(VIDEO) Moldova hem Evropa Birlii: yaşlılar için üüsek yaşamak standartları geler

Evropa Birlii için kendi bakışını açıkladı gagauz jurnalisti Ekaterina Jekova. Onun bakışına görä, Evropa Birlii yeni azalarına ekonomik reformalar yapmasına hem soţial politikasını iileştirmäk için büük finans yardımı yapêr. Moldovanın Evropa Birliinä girmesi vatandaşlar için pensiyaların hem aylık ödeklerin artmasına sebep olacek. EB devletlerindä yaşlılar için yaşama standartları pek üüsek, bu da onnara kaliteli hem saygılı bir yaşamak veräbilir. Yannaştırmak içindä, Romaniyada hem Litvada orta pensiyalar Moldovadakindän pek büük. Evrointegraţiya memleketin ekonomik durumunu iiliştirecek, yeni iş yerleri yaratmak hem aylık paraları üüseltmäk için yardım edecek. Ekonomikanın doorulmasınnan, insannar soţial yaşamaya taa aktiv katılaceklar. Evropa Birliinä girmäk Moldovanın mallarını 450 milion insanın panayırında satmaa kolaylık verecek. Eksportun artması hem malların kalitesi Evropa standartların temelindä üüselecek. Sonuçta, Evropa Birliindä azalık Moldovaya ekonomika doorulması hem bütün vatandaşları için yaşamak kalitesini artırmaa yardım edecek.