ŞAKA DİİL: «Mäl dädunun cümbüşleri» şennendirecek avdarmalıları apreli ayın 1 dä
Gülmäk günü programasɪ «Mӓl dӓdunun cümbüşleri» gagauz dilindӓ hazirlanêêr Avdarmada. Gösteri geçecek aprilin 1- dӓ, küüyün Kultura evindӓ. Uṣak zanaat evin baṣɪ Mihail Yazadcı oynayacek baṣ rolü, kalan rolleri oynayacek onun üürenicileri — küüyün gençleri. Nasɪl duudu gülmӓ programanɪn ideyasɪ hem ne bekleer siyredıcıleri, annatti avdarma.md saytɪn redakṭiyasɪna Mihail Yazadcı.
Pazara, aprelin 1- dӓ kutlanêêr Gülmӓk günü. Bu üzerӓ Avdarmada geçecek gülmӓ programasɪ «Mӓl dӓdunun cümbüşleri», angɪsɪ olacek gagauz dilindӓ.
Programayi hazirlêêr Avdarmanin gençleri, öndercilik edeer Uşak zanaat evin baṣɪ Mihail Yazadcı. Baş rolün oyüncusu annatɪ, ani ideya göstermӓӓ bölӓ programa duudu çoktan.
«Çoktan istӓrdim geçirmӓӓ Avdarmada bir gülmӓ programasɪ, angɪsɪnda gösterilecek küüyün cümbüş olaylarɪ. Cümbüşleri, angɪlarɪ gösterilecek sṭenada annattɪ yaṣlɪ insannar, ama elbetki, biz onnarɪ biraz diyştirdik. Bu işi başlamaa hem başa çikarmaa yardɪm edeer benim üürenicilerim — artistlerim, angɪlarɪnnan bӓn ileri dӓ sṭenaya çikaardɪm. Teklif ederiz avdarmalɪlarɪ hem küüyün musafirlerini, düşüneeriz, ani olacek hepsinӓ meraklɪ» ,- dedi Mihail Yazadcı.
«Mӓl dӓdunun cümbüşleri» geçecek küüyün Kultura evindӓ pazara, apreli ayın 1-dӓ. Başlayacek saat 15:00. Giriṣ parasɪz.
Fotolar repetiṭiyalardan:
