Halklar arası IBAC 2019 konferentiyanın kapalışı Avdarmada geçti

9-cu Halklar arası IBAC 2019 konferentiyаnın pay alannarı mart ayın 20-dän 22 kadar bilim uurunda açıklamalar yaptılar. Türkiye, Bulgariya, Romuniya, Polişa, Ukraina, Rusiya, Moldova devletlerindän hem Gagauziyadan aaraştırmacılar bir erdä tanıttılar bakışlarını Balkan geografiyasında erleşän halkların istoriya, kultura, hem sotiologiya soruşlarını. Toplam konferentiyanın işinä katıldı 40 bilimci aşırı devletlerdän, 20 bilimci da Kişinevdan hem Komrattan. Konferentiyа düzenildi Komrat Devlet Uverciteti, İstanbul Universitetin hem Avdarma Muzeyin izmetinnän. Bu bilim uurunda işbirliini — iki universitetin hem bir muzeyin, Konferentiyada söz alannar başarılı buldular.

Вам также могут понравиться